• Select Language >
  • Hindi
  • Gujarati
Home »Experts »Personal Finance» Financial Planning At Fantastic Fifty Year By Mahesh Trivedi

ફાઇનાન્શિયલ પ્લાનિંગ એટ ફેન્ટાસ્ટિક ફિફ્ટી...

ફાઇનાન્શિયલ પ્લાનિંગ એટ ફેન્ટાસ્ટિક ફિફ્ટી...
જીવનના તમામ આર્થિક પડાવોને પાર કરીને માણસ જ્યારે પચાસનો થાય ત્યારે તે શારિરીક અને માનસિક બન્ને રીતે ‘‘પાકી’’ ગયો હોય!! છતાં આનંદ એ વાતનો હોય કે, આર્થિક સ્વતંત્રતા સંગ્રામમાં તેની સાથે તેના સંતાનો પણ જોડાઇ રહ્યા હોય, કેરિયરમાં સન્માનભેર સ્થાન જમાવવા સાથે નિવૃત્તિ પૂર્વેના 8-10 વર્ષ સિનિયોરિટી સાથે વિતાવવાના હોય છે. પરંતુ એક વાત છતાં પણ ખટકતી રહે કે, યાર! રિટાયર થયા પછી કેટલું કોર્પસ જોઇશે અને હવે 10 વર્ષમાં મેકસિમમ કેટલું કવર કરી શકાય તેમ છે. 25 વર્ષની કારકિર્દી દરમિયાન તમે ક્રિએટ કરેલી એસેટ્સ તમારા રિટાયરમેન્ટના રાજમહેલના મહત્વના પાયા પૂરવાર થવાના હોય છે. છતાં પણ ઘણાં બધા આયોજનો કરવાના રહી ગયા હોય તો તે પૂરા કરવા જરૂરી હોય છે. જેમ કે,

# પુરતું ઇન્સ્યોરન્સ કવર
શરૂઆતના દાયકાઓમાં તમારા પત્ની-પતિ બાળકો અને તમારા આશ્રિતો ઇન્સ્યોરન્સમાં કવર થઇ જતાં. જોકે, હવે સંતાન ફાઇનાન્સિયલી ઇન્ડિપેન્ડન્ટ બનતાં તેઓનું કવર અને તમારી તે અંગેની જવાબદારી બન્નેમાંથી તમે નિવૃત્ત થઇ જાવ છો. છતાં તમારું લાઇફ-હેલ્થ ઇન્સ્યોરન્સ કવર પુરતાં પ્રમાણમાં હોય તેની કાળજી રાખો.

# તમામ દેવાઓમાંથી મુક્ત થાવ
માથે દેવું હશે ત્યાં સુધી સરખી ઊંઘ પણ નહિં આવે અને ભેગું કરેલું સરખી રીતે ભોગવી પણ નહિં શકો. માટે તમામ એસેટ્સ ડેટ ફ્રી હોવી જરૂરી છે. હોમ લોન, કાર લોન, પર્સનલ કે એજ્યુકેશન લોનની ભરપાઇ 50 વર્ષની વય સુધીમાં ચૂકવી દો જેથી કમાણીમાંથી સેવિંગ્સ- ઇન્વેસ્ટમેન્ટ માટે વધુ હિસ્સો ફાળવી શકો. જો લોન્સ કે દેવા ચાલુ રહેશે તો તમારે વધુ ચાલવું પડશે. 50 મિન્સ પ..ચાસ.... ખેતરના પાંચ ચાસ ચાલી શકો તેટલુંજ જોર પછાડી શકાય પચાસ વર્ષની વયે!

# નવી લોનના બોજથી દૂર જ રહો
સંતાનોના લગ્ન આવે કે વિદેશ જવાના યોગ ઊભા થાય કે નવું મકાન લેવાનું થાય ત્યારે 99 ટકા લોકોની નજર ક્યાં જાય.....પીએફ, પીપીએફ, લોંગ ટર્મ ઇન્વેસ્ટમેન્ટ, જમીન-મકાન અને છેલ્લે ઘરેણાં... કે જે તમારી ભવિષ્યની આવકનું સાધન બનનારી એસેટ્સ છે તેની ઉપર જ વળી.... પંરતુ તેઓ એ ભૂલી જાય છે કે, તે જીવન મૂડી છે લોન નહિં સીધી મૂડી જ ખર્ચાઇ જાય છે જે ફરી પાછી ભરપાઇ થવાની નથી. એટલું ખાસ ધ્યાનમાં રાખો કે રિટાયરમેન્ટ પછી તમારે રેગ્યુલર નહિં ફિક્સ ઇન્કમ ઉપર ઘર ચલાવવાનું છે. જે આર્થિક મર્ડર કરી શકે છે..!

# તમારી તમામ એસેટ્સનું ટેપિંગ શરૂ કરો
ફિક્સ્ડ ઇન્કમમાંથી જ તમામ ખર્ચાઓ પૂર્ણ થવાના નથી તે પણ પાક્કી વાત છે. તેના માટે તમામ એસેટ્સનું એસેસમેન્ટ અને મેનેજમેન્ટ અર્થાત્ ટેપિંગ કરવું જરૂરી છે. જેમ કે, શહેરના હાર્દમાં વર્ષો પહેલા ખરીદેલા ફ્લેટમાં રહેવું કે, શહેરના છેવાડે ખરીદેલા બંગલામાં રહેવા જવું. ફાઇનાન્સિયલ મેનેજમેન્ટ એવું કહે છે કે, બંગલામાં રહેવું અને ફ્લેટ ભાડે આપવો. ફેમિલી કાર કાઢીને લક્ઝુરિયસ કાર ખરીદવા જતાં રિટાયરમેન્ટ કોર્પસ ઉપર કાપ મૂકાય નહિં તેની કાળજી રાખો. ખર્ચમાં બચત એ પણ એક પ્રકારની કમાણી જ છે..!

# લાઇફ સ્ટાઇલમાં ધીરે ધીરે પરિવર્તન જરૂરી છે
લાઇફ સ્ટાઇલ માટે મોટાભાગની રેગ્યુલર ઇન્કમ ખર્ચાઇ જતી હશે તો ભવિષ્યની લાઇફ સ્ટાઇલ જરૂરિયાતો માટે  ફિક્સ્ડ ઇન્કમ એસેટ્સ તોડવાનો વારો આવશે. માટે લાઇફ સ્ટાઇલમાં ધીરે ધીરે પરિવર્તન લાવતા જાવ.!
 
# ઇન્વેસ્ટમેન્ટ પોર્ટફોલિયો બેલન્સ કરો
સમયાંતરે ઇન્વેસ્ટમેન્ટ પોર્ટફોલિયોનું રિસફલિંગ કરવું જરૂરી બને છે. ગોલ્સ, એગ્રેસન, રિસ્ક ટેકિંગ કેપેસિટી અને રેટ ઓફ રિટર્ન અનુસાર એસેટ એલોકેશન કરવું જરૂરી છે. આ સાથે આપેલા કોસ્ટક અનુસાર ઇન્વેસ્ટમેન્ટ સ્ટ્રેટેજી ઘડી શકો છો.

# વીલ બનાવવાની શરૂઆત કરો
100માંથી 99 ટકા રોકાણકારો અચાનક એક્ઝિટ લઇ લે છે ત્યારે પાછળ પરિવારને પારાવાર મુશ્કેલીમાં મૂકતાં જાય છે. ખાસ કરીને વીલ તૈયાર નહિં કરીને... વીલમાં તમારી તમામ એસેટ્સ અને ઇન્વેસ્ટમેન્ટનું પિક્ચર આવી જાય છે. ફેમિલિ મેમ્બર્સ તમારા વીલના આધારે તમારા વતી આર્થિક નિર્ણયો લઇ શકે તેવી જોગવાઇ હોવી જરૂરી છે. 
 
51-60- રિસ્ક ટેકિંગ-ઇન્વેસ્ટમેન્ટ- એલોકેશન સ્ટ્રેટેજી
કેપેસિટી    સમયગાળો    એસેટ એલોકેશન

ખૂબ નીચી    2 વર્ષથી નીચે    30 ટકા ઇક્વિટી-70 ટકા ડેટ
નીચી    2-5 વર્ષ વચ્ચે    40 ટકા ઇક્વિટી-60 ટકા ડેટ
મધ્યમ    5-10 વચ્ચે    50 ટકા ઇક્વિટી-50 ટકા ડેટ
ઊંચી    10 વર્ષથી વધુ    60 ટકા ઇક્વિટી- 40 ટકા ડેટ
ખૂબ ઊંચી    10 વર્ષથી વધુ    65 ટકા ઇક્વિટી- 35 ટકા ડેટ
(Personal Finance Gujarati News) સાથે જોડાયેલા અન્ય (Experts Gujarati News) મેળવવા માટે અમને Facebook અને Twitter પર ફોલો કરો. વાંચતા રહો 76 લાખ+ વાચકોની મનપસંદ અને વિશ્વની નં.1 Gujarati News વેબસાઇટ divyabhaskar.co.in, જાણો સમાચારોથી વધુ. દરેક ક્ષણ અપડેટ રહેવા માટે ડાઉનલોડ કરો Gujarati News App & Divya Bhaskar epaper App.
Web Title: Financial Planning at Fantastic Fifty year by Mahesh Trivedi
(Read News in Gujarati from Divya Bhaskar)

Recommendation

    Don't Miss

    NEXT STORY

    Disclaimer:- Money Bhaskar has taken full care in researching and producing content for the portal. However, views expressed here are that of individual analysts. Money Bhaskar does not take responsibility for any gain or loss made on recommendations of analysts. Please consult your financial advisers before investing.